რუსეთში ჩატარებულ არჩევნებს ერთ-ერთი პირველი გამოეხმაურა ვოლოდიმირ ზელენსკი და პროცესს იმიტირებული არჩევნები უწოდა. უკრაინის პრეზიდენტმა კრემლის ლიდერი დიქტატორად მოიხსენია, რომელიც ჰააგის სასამართლომ უნდა გაასამართლოს.
„ამ დღეებში რუსმა დიქტატორმა იმიტირებული არჩევნები გამართა. მსოფლიოში ყველამ გაიგო, რომ ეს ფიგურა, როგორც უკვე ხშირად ყოფილა ისტორიაში, უბრალოდ, დაავადდა ძალაუფლებით და ყველაფერს აკეთებს, რათა მთელი ცხოვრება მართოს. არ არსებობს ისეთი ბოროტება, რომელსაც ის ვერ ჩაიდენს, რათა გაიხანგრძლივოს პირადი ძალაუფლება. მსოფლიოში არ არსებობს ვინმე, ვინც დაცული იქნება მისგან. არჩევნების ამ სიმულაციას ლეგიტიმაცია არ აქვს. პუტინი კი ჰააგის სასამართლოს წინაშე უნდა წარდგეს. რასაც რუსეთი უკრაინის ოკუპირებულ ტერიტორიებზე აკეთებს, დანაშაულია, ხოლო ერთადერთი, რისიც პუტინს ეშინია, სამართლიანობაა“, – აღნიშნა ზელენსკიმ.