მოხარული ვარ, რომ დღეს კიდევ ერთხელ განვიხილეთ ნატო-საქართველოს თანამშრომლობის საკითხები და ასევე ჩვენი ინტეგრაციის პროცესი, – ამის შესახებ ირაკლი კობახიძემ ნატოს გენერალურ მდივანთან გამართულ ერთობლივ ბრიფინგზე განაცხადა.
საქართველოს პრემიერ-მინისტრმა აღნიშნა, რომ იენს სტოლტენბერგის ხელმძღვანელობით ნატომ მრავალი გამოწვევა გადალახა.
„ნატოს გენერალური მდივნის თანამდებობაზე თქვენი ათწლიანი მოღვაწეობა დაემთხვა უპრეცედენტო გამოწვევებსა და სირთულეებს, თუმცა თქვენი ლიდერობით მრავალი გამოწვევა გადაიხალა და ნატო კვლავაც რჩება ევროატლანტიკური უსაფრთხოების მთავარ გარანტად“, – აღნიშნა პრემიერმა.
კომენტარები