გერმანიის კანცლერი ოლაფ შოლცი რუსეთის პრეზიდენტს არჩევნებში გამარჯვებას არ მიულოცავს, რადგან ბერლინში მიიჩნევენ, რომ რუსეთში ჩატარებული არჩევნები არც თავისუფალი და არც დემოკრატიული ყოფილა.
შოლცის პრესმდივნის, კრისტინა ჰოფმანის თქმით, არჩევნების შედეგები წინასწარვე იყო ცნობილი.
„ეს არ იყო დემოკრატიული და თავისუფალი არჩევნები. რუსეთში ახლა დიქტატურაა და მას მართავს პუტინი ავტორიტარულ რეჟიმში“, – განაცხადა ჰოფმანმა.
მანამდე, ქვეყნის საგარეო საქმეთა მინისტრმა, ანალენა ბერბოკმა თქვა, რომ რუსეთში ჩატარებულ არჩევნებზე ხალხს არჩევანის გაკეთების საშუალება არ ჰქონდა.
კომენტარები