„ვულოცავთ ხალხის“ ძალას პარტიის დაფუძნებას. ჩვენ ნაცმოძრაობისა და მისი პარტიის სხვადასხვა შტოებისგან განსხვავებით არ ვთვალთმაქცობთ და არ ვემიჯნებით ერთმანეთს, გარდა იმ 1-2 საკითხისა, რომელზეც ჩვენ არაერთხელ ვისაუბრეთ, – ამის შესახებ საპარლამენტო უმრავლესობის ლიდერმა, „ქართული ოცნების“ აღმასრულებელმა მდივანმა, მამუკა მდინარაძემ უმრავლესობის სხდომის დასრულების შემდეგ განაცხადა.
„პირიქით, საუკეთესო ევროპული პრაქტიკის მსგავსად ჩვენ მკაფიოდ ვაფიქსირებთ საერთო შეხედულებებს ეროვნულ ღირებულებებზე, მშვიდობაზე, ქვეყნის მთლიანობაზე და დეოკუპაციაზე, ტრადიციებსა და ეროვნულ იდენტობაზე, სტაბილურობაზე, ეკონომიკურ განვითარებასა და სიღარიბის დაძლევაზე. თუმცა, გვაქვს განსხვავებული ხედვა რამდენიმე საკითხის გადაჭრის გზებთან დაკავშირებით, რის გამოც მათ ცალკე პარტიის შექმნა გადაწყვიტეს. ამიტომ წარმატებას ვუსურვებთ ჩვენს მეგობრებს და უმრავლესობის წევრებს „ხალხის ძალიდან“, ახალ პარტიულ ასპარეზზე“, – აღნიშნა მდინარაძემ.