მოსამართლე მიქაუტაძე ადვოკატ მწარიაშვილს „ფორმულისთვის“ მიცემული ინტერვიუს გამო უჩივის

უზენაეს სასამართლოში გამართულ ბრიფინგზე მიქაუტაძემ თქვა, რომ მისი ქონებისა და შემოსავლების შესახებ ცრუ ინფორმაციის გავრცელების მიზანი ე.წ. ვეტინგის საფუძვლის შექმნა იყო.

”სასამართლო სისტემაში „ვეტინგი“ არის მექანიზმი, რომელიც მოსამართლეების კეთილსინდისიერებას ამოწმებს. ეს არ არის სტანდარტული პროცესი და მას ქვეყნები გამოიყენებენ მაშინ, როცა სასამართლოს მიმართ ნდობა დაკარგულია, გამეფებულია კორუფცია და კლანური მმართველობა, მიიღება პოლიტიკური გადაწყვეტილებები, სისტემა კი თავისი თავის გაჯანსაღებას ვერ ახერხებს. „ვეტინგს“ საქართველოში ეწინააღმდეგებიან სახელისუფლებო პარტიაც და სასამართლო ხელისუფლების ძირითადი ნაწილიც.
„ჩვეული მეთოდებით დაწყებულია ცილისმწამებლური კამპანია ცრუ ინფორმაციაზე დაყრდნობით პოლიტიკური ჯგუფებისა და არასამთავრობო ორგანიზაციების მიერ, სატელევიზიო შოუების მოწყობით. ცდილობენ, შეუქმნან საფუძველი ‘ვეტინგის’ სისტემის ჩატარებას“, – თქვა გიორგი მიქაუტაძემ უზენაეს სასამართლოში გამართულ ბრიფინგზე.