აშშ-ის პრეზიდენტ ჯო ბაიდენსა და ისრაელის პრემიერ-მინისტრ ბენიამინ ნეთანიაჰუს შორის სატელეფონო საუბარი შედგა.
ბაიდენთან 45-წუთიანი სატელეფონო საუბრის შემდეგ, ისრაელის პრემიერ-მინისტრმა, ბენიამინ ნეთანიაჰუმ გაავრცელა ვიდეო, რომელშიც აღნიშნავს, რომ ორმა ლიდერმა ომის ყველა მიზნის მისაღწევად ისრაელის ვალდებულებაზე ისაუბრა.
„დღეს საღამოს ვესაუბრე აშშ-ის პრეზიდენტ ჯო ბაიდენს. ჩვენ განვიხილეთ ომის ბოლოდროინდელი განვითარება, მათ შორის ისრაელის ვალდებულება, მიაღწიოს ყველა საომარ მიზანს: „ჰამასის“ ლიკვიდაციას, ყველა ჩვენი მძევლის გათავისუფლებას და იმის უზრუნველყოფას, რომ ღაზა აღარასოდეს შეუქმნის საფრთხეს ისრაელს, ამავდროულად, ჰუმანიტარული დახმარების მიწოდებას, რომელიც ხელს შეუწყობს ამ მიზნების მიღწევას“, – აცხადებს ნეთანიაჰუ.
15 თებერვლის შემდეგ, ეს პირველი სატელეფონო საუბარი იყო ლიდერებს შორის.