„რესპუბლიკელმა“ სენატორმა, ლინდსი გრემმა განაცხადა, რომ აშშ-მა რუსეთი ტერორიზმის სპონსორ სახელმწიფოდ უნდა გამოაცხადოს.
კიევში ვიზიტით მყოფმა სენატორმა ასევე ხაზგასმით აღნიშნა, რომ რუსეთში ჩატარებული საპრეზიდენტო არჩევნები არალეგიტიმურია.
“პუტინი არალეგიტიმური პრეზიდენტია, რომელიც მართავს ტერორისტულ სახელმწიფოს”, – აღნიშნა „რესპუბლიკელმა“ სენატორმა.
ლინდსი გრემის თქმით, მისი პასუხი პუტინის არჩევაზე, როდესაც ის ვაშინგტონში დაბრუნდება, იქნება კანონპროექტის წარდგენა, რომელიც რუსეთს ტერორიზმის სპონსორ სახელმწიფოდ აღიარებს აშშ-ის კანონმდებლობით.
კომენტარები