უკრაინის პრეზიდენტმა, ვოლოდიმირ ზელენსკიმ მადლობა გადაუხადა ევროკავშირისა და წევრი ქვეყნების ხელმძღვანელობას უკრაინის დახმარების ახალი ფონდის შექმნისთვის, რომელიც ევროპის სამშვიდობო ფონდის ნაწილია.
“დღეს ასევე მინდა მადლობა გადავუხადო ევროკავშირის ხელმძღვანელობას და ყველა წევრ სახელმწიფოს ახალი ფონდის შექმნისთვის, რომელიც უკრაინას დაეხმარება ევროპის სამშვიდობო ფონდის ფარგლებში. თანხა 5 მილიარდ ევროს შეადგენს, რომელიც წელს ჩვენი თავდაცვის ძალისხმევის მხარდაჭერას მოხმარდება. ჩვენ ასევე ველით, რომ ეს ფონდი გახდება ზოგადი უსაფრთხოების შეთანხმების ნაწილი უკრაინასა და ევროკავშირს შორის”, – აღნიშნა უკრაინის პრეზიდენტმა.
მანამდე ევროკავშირმა უკრაინის სამხედრო დახმარებისთვის დამატებით ხუთი მილიარდი ევრო გამოყო.
კომენტარები