საქართველოს შინაგან საქმეთა მინისტრის, ვახტანგ გომელაურის განცხადებით, პოლიციელების სოციალური გარანტიების გაუმჯობესება გაგრძელდება.
როგორც გომელაურმა პარლამენტში, „მინისტრის საათის“ ფორმატში გამოსვლისას განაცხადა, 2024 წელსაც აქტიურად მოხდება საპოლიციო ინფრასტრუქტურისა და აღჭურვილობის განახლება, რაც სამინისტროს დანაყოფების შესაძლებლობებს უფრო გააძლიერებს.
„შინაგან საქმეთა სამინისტრო მიმდინარე წელსაც აქტიურად გააგრძელებს დანაშაულის პრევენციის, კრიმინალის წინააღმდეგ ბრძოლის, მართლწესრიგისა და მოქალაქეების უსაფრთხოების დაცვაზე, საპოლიციო მომსახურების ხარისხის გაუმჯობესებაზე ორიენტირებული ღონისძიებებისა და რეფორმების განხორციელებას“, – აღნიშნა ვახტანგ გომელაურმა.
კომენტარები