საქართველოს ბერძნულ-რომაული სტილით მოჭიდავეთა ნაკრებმა 3-4 მარტს კიევში გამართულ საერთაშორისო ტურნირზე ასპარეზობა წარმატებით დაასრულა. შეჯიბრებაზე სადაც 21 ქვეყნის ნაკრები მონაწილეობდა, ბექა როყვას და ოთარ ტატიშვილის ხელმძღვანელობით ჩვენმა ნაკრებმა ჯამში 7 მედალი, 3 ოქრო, 2 ვერცხლი და 2 ბრინჯაო მოიპოვა. ტურნირის ჩემპიონები გოგა გოგიბერაშვილი (66), ბაკურ გოგოლი (75) და ზვიად პატარიძე (130) გახდნენ, ვერცხლის მედლები ლევან არაბულმა (130) და რამაზ ზოიძემ (71) მოიპოვეს, მესამე საპრიზო ადგილები კი დავით ჩხარტიშვილმა (66) და ზურაბ დათუნაშვილმა (80) დაიკავეს.
კომენტარები