საფრანგეთი და გერმანია ახალი თაობის საბრძოლო ტანკების ერთობლივ წარმოებაზე შეთანხმდნენ.
საფრანგეთის თავდაცვის მინისტრმა, სებასტიან ლეკორნუმ და გერმანიის თავდაცვის მინისტრმა, ბორის პისტორიუსმა რამდენიმე მილიარდი ევროს ღირებულების სამხედრო შეთანხმება გააფორმეს.
ხელშეკრულების გაფორმებით იწყება პროექტის პირველი ეტაპი, რომლის სახელწოდებაა „მთავარი სახმელეთო საბრძოლო სისტემა“.
გეგმის თანახმად, ახალმა საბრძოლო ტანკმა გერმანული „ლეოპარდი“ და ფრანგული „ლეკლერკი“ უნდა ჩაანაცვლოს.
ორივე მინისტრმა განაცხადა, რომ პროექტი არ უნდა განიხილებოდეს, როგორც „ლეოპარდ 2“-ის ახალი მოდელი, რომელიც არის მსოფლიოში ერთ-ერთი ყველაზე მოწინავე საბრძოლო მანქანა.
გავრცელებული ინფორმაციით, ტანკს ექნება ხელოვნური ინტელექტი და გარკვეული ავტომატიზებული სისტემები, რომლებიც არ საჭიროებენ „ადამიანის პილოტირებას“.
მომავალი თაობის ტანკის შექმნა, სავარაუდოდ, 2040 წლისთვის დასრულდება.