იურიდიულ საკითხთა საპარლამენტო კომიტეტის თავმჯდომარე ანრი ოხანაშვილმა კომიტეტის სხდომიდან ამჯერად ოპოზიციონერი დეპუტატი სალომე სამადაშვილი გააძევა და სხდომაზე ტექნიკური შესვენება გამოაცხადა.
„სიტყვა ჩამოგართვით, ვინაიდან სვამთ საკითხს, რომელიც არ შეეხება პირველ მუხლს. ამბავში ჩვენ ვართ თუ თქვენ ხართ ამბავში?! თქვენ რა ამბავში ხართ? გაფრთხილებული ბრძანდებით, თუ გააგრძელებთ იგივეს, დატოვებთ დარბაზს“, – მიმართა ანრი ოხანაშვილმა სამადაშვილს.
კომიტეტის სხდომაზე „უცხოური გავლენის გამჭვირვალობის შესახებ“ კანონპროექტი მეორე მოსმენით, მუხლობრივად განიხილება.
კომიტეტის სხდომიდან ასევე გაძევებულები არიან “სტრატეგია აღმაშენებლის” ლიდერი გიორგი ვაშაძე, „ნაციონალური მოძრაობის“ წევრი ლევან ბეჟაშვილი და პარლამენტის დამოუკიდებელი წევრი თამარ კორძაია.
კომენტარები