მინდა შევახსენო „ნორჩ ლელოელებს“, „ნორჩ ნაცებს“ „გვარამიას მიმდევრებს“ და „ნორჩ მელიებს“, რომ საქართველომ ძალიან ბევრი ქარტეხილი გამოიარა. ჩვენ ყველა გამოწვევას, ერთობლივი ძალებით, აუცილებლად დავძლევთ და სანამ ახალგაზრდობის სახელით საუბარს გადაწყვეტთ – კარგად ნახეთ გუშინდელი ჩვენი მსვლელობა, სადაც უამრავი ადამიანი გაერთიანდა საერთო იდეალების გარშემო, – ასე გამოეხმაურა პარლამენტის პლენარულ სხდომაზე განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველი მოადგილე გიორგი ჩაკვეტაძე დეპუტატ სალომე სამადაშვილის განცხადებას.
გიორგი ჩაკვეტაძის თქმით, „მამული, ენა, სარწმუნოება“ – ამ იდეალების გარშემო დღევანდელ საქართველოში ძალიან ბევრი ადამიანი ერთიანდება.
„ჩვენ არავის მივცემთ საშუალებას, რომ საქართველოს მშვიდობიანი, ევროპული განვითარების გზა ეჭვქვეშ დააყენოს. „მამული, ენა და სარწმუნოება“ – ამ იდეალების გარშემო დღევანდელ საქართველოში ძალიან ბევრი ადამიანი ვერთიანდებით და ვერავინ შეძლებს ჩვენი ამ გზიდან გადაყვანას“, – განაცხადა გიორგი ჩაკვეტაძემ.