რაც შეეხება გამჭვირვალობის კავშირს რევოლუციის პრევენციასთან. აქ ძალიან მარტივად არის სინამდვილეში საქმე. მაგალითად, რომ ავიღოთ იგივე პარტიების კანონმდებლობა. პოლიტიკური პარტიები ვალდებულები არიან წარადგინონ დეკლარაციები ანტიკორუფციული სამსახურის წინაშე. არამარტო ყოველწლიურად, არამედ ბევრად უფრო ხშირად. ანუ, უფრო მაღალი სტანდარტი მოქმედებს გამჭვირვალობის პოლიტიკური პარტიებისთვის, ვიდრე გათვალისწინებულია ამ ახალი კანონით, – ამის შესახებ ირაკლი კობახიძემ ჟურნალისტებთან საუბრისას განაცხადა.
პრემიერ-მინისტრმა გამჭვირვალობის მიზნებზე დეტალურად ისაუბრა.
„პარტიების გამჭვირვალობის მიზანი არის ის, რომ არასწორი გავლენების ქვეშ არ მოექცნენ პოლიტიკური პარტიები და, შესაბამისად, არასწორი გავლენების ქვეშ არ მოექცეს პოლიტიკური სისტემა. ეს არის აპრობირებული მეთოდი მთელს მსოფლიოში. თითქმის ყველგან პოლიტიკური პარტიების საქმიანობა, მათი ფინანსები არის გამჭვირვალე, სწორედ იმისთვის, რომ არასწორი გავლენების ქვეშ არ მოექცეს ქვეყანა, იმისთვის რომ დაცული იყოს სახელმწიფოს სუვერენიტეტი.
აქაც ზუსტად იგივესთან გვაქვს საქმე. თუ გამჭვირვალე იქნება „ენჯეოების“ საქმიანობა, ამ შემთხვევაში, მაგალითად, კონკრეტულ დონორებს გაუჭირდებათ ისეთი ორგანიზაციების დაფინანსება პოლარიზაციის მიზნით, როგორებიცაა „სირცხვილია“, „დროა“, და ა.შ.
კონკრეტულ ორგანიზაცია, რომელიც პირდაპირ ექვემდებარება ევროკავშირს EED აფინანსებდა ამ ქვეყანაში პოლარიზაცია. კერძოდ, აფინანსებდა რეალურად პოლიტიკურ პარტია „დროას“, რომელიც არის ერთ-ერთი ყველაზე მაპოლარიზებელი სუბიექტი ამ ქვეყანაში. თან აფინანსებდა არა რაღაც პროექტებისთვის, არამედ პირდაპირ პარტიის აქტივისტების ხელფასებსა და ოფისების ხარჯებს იხდიდა EED, რაც არის კონსტიტუციის უხეში დარღვევა და, რაც მთავარია, პოლარიზაციის პირდაპირი დაფინანსება. ამას აკეთებდა ევროკავშირი. ჩვენთვის გაუგებარია, რატომ შეიძლება ევროკავშირის ფონდი იხდიდეს ფულს პოლარიზაციაში, როცა იმავდროულად, ევროკავშირი გვთხოვს დეპოლარიზაციას. ასეთი მაგალითი არაერთია“, – აღნიშნა პრემიერმა.