სად იზრდებიან ასეთი გარეწრები?! ვინ აწინაურებს მათ?! პასუხი აგონ ეკლესიის და ქვეყნის წინაშე მათმა მაკურთხეველ-აღმაზევებლებმა! – ასე ეხმიანება დეკანოზი ილია ჭიღლაძე პროკურატურის მიერ გავრცელებულ ფარულ ჩანაწერს.
“დაზაფრული და შეძრწუნებული ვუსმენდი ცხვრის ტყავში გახვეულის საუბრების ჩანაწერებს. სად იზრდებიან ასეთი გარეწრები?! ვინ აწინაურებს მათ?! პასუხი აგონ ეკლესიის და ქვეყნის წინაშე მათმა მაკურთხეველ-აღმაზევებლებმა!!! არამზადები რომ იყვნენ, კი ვიცოდი, მაგრამ ასეთი სულელებიც თუ იქნებოდნენ, არა.
იქნებ მისმა ადვოკატმა ანაფოროსანმა ახლა ის დაგვაბოლოს, რომ სამსახიობო დუბლებს გადიოდა დაკავებული?!
დიდი მადლობა საქართველოს პროკურატურას გაწეული დიდი და სახელმწიფოებრივი საქმისათვის. ხალხს კი კიდევ ერთი მაგალითი აქვს, როგორი სიფრთხილე და დაკვირვებულობაა საჭირო, სანამ დასკვნებს გააკეთებ წინასწარ ვინმეს სასარგებლოდ და დაიწყებ სამართლადამცველი ორგანოების ლანძღვას…”, – წერს დეკანოზი ილია ჭიღლაძე.