აშშ-ის უნივერსიტეტების კამპუსებში პალესტინელთა მხარდასაჭერად გამართულ საპროტესტო აქციებზე დაკავებულთა რიცხვმა 2 200-ს გადააჭარბა.
ამის შესახებ ინფორმაციას „ასოშიეთიდ პრესი“ ავრცელებს.
როგორც მედია წერს, მომიტინგეთა ძირითადი მოთხოვნაა, სასწავლო დაწესებულებების ადმინისტრაციებმა უარი თქვან იმ კომპანიებთან თანამშრომლობაზე, რომლებიც მხარს უჭერენ ისრაელს და ღაზის სექტორში ომს.
ამასთან, გუშინ ლოს ანჯელესში, კალიფორნიის უნივერსიტეტში კარვების ქალაქის დაშლის დროს პოლიციამ 200-ზე მეტი პროპალესტინელი დემონსტრანტი დააკავა, მათ შორის სტუდენტები და უნივერსიტეტის თანამშრომლები.
აშშ-ში პალესტინელთა მხარდამჭერი აქციები უნივერსიტეტებში, უკვე ორი კვირაა, იმართება.
კომენტარები