ერთ დღეს ლიტურგიას ესწრებიან, გალობენ, მეორე დღეს პატრიარქს შეურაცხყოფას აყენებენ. კიდევ ერთხელ ჩამოიხსნეს ნიღაბი, – ამის შესახებ „ქრონიკასთან“ პარლამენტის იურიდიულ საკითხთა კომიტეტის თავმჯდომარის პირველმა მოადგილემ, დავით მათიკაშვილმა განაცხადა.
საქმე ეხება გამჭვირვალობის კანონის საწინააღმდეგო აქციების ერთ-ერთი ორგანიზატორის, „თბილისი პრაიდის“ თანადირექტორ ანა სუბელიანის აქტივობას სოციალურ ქსელში.
„ის, რომ „თბილისი პრაიდი“, სუბელიანი, რადიკალები, ფსევდო ღირებულებების პროპაგანდისტები გულწრფელები არ არიან, ძალიან მარტივად გამოჩნდა. მათ გულწრფელობას არავინ იჯერებს. ერთ დღეს ლიტურგიას ესწრებიან, გალობენ, მეორე დღეს პატრიარქს შეურაცხყოფას აყენებენ. კიდევ ერთხელ ჩამოიხსნეს ნიღაბი და სახე დაანახეს საზოგადოებას, თუ რეალურად რა ანტიქართულ, ანტიეკლესიურ ძალასთან გვაქვს საქმე“, – აღნიშნა მათიკაშვილმა.