იტალიის თავდაცვის მინისტრმა, გვიდო კროზეტომ განაცხადა, რომ უკრაინაში ჯარების გაგზავნა გამორიცხულია, იმიტომ რომ ეს მხოლოდ გაზრდის დაძაბულობას. ამის შესახებ Euractiv-ი წერს.
„ჩვენი პოზიცია უცვლელია: ყოველთვის ვამბობდით, რომ უკრაინას ყველა შესაძლო გზით უნდა დავეხმაროთ, რასაც ვაკეთებთ კიდეც. თუმცა ასევე ყოველთვის ვამბობდით, რომ ჩვენი ჯარების ჩარევა გამორიცხულია“, – განაცხადა კროზეტომ.
მან გააკრიტიკა საფრანგეთის პრეზიდენტი ემანუელ მაკრონი, რომელმაც გასულ კვირაში განაცხადა, რომ უკრაინაში ჯარების გაგზავნა გამორიცხული არაა.
„არ განვსჯი მეგობარი ქვეყნის, საფრანგეთის პრეზიდენტს, თუმცა არ მესმის ამ განცხადებების მიზანი და გამოსადეგობა“, – აღნიშნა იტალიის თავდაცვის მინისტრმა.
კომენტარები