როგორც ჭყონდიდის მიტროპოლიტმა პეტრე ცაავამ ჟურნალისტებს განუცხადა, დღევანდელ კრებაზე გაგრძელდება მის მიერ დაწყებული საუბრის თემა.
,,მე მომხრე ვარ, რომ საეკლესიო სამართალი ამუშავდეს და დადგეს ყველა დასასმელი საკითხი. საერო სამართლისგან განსხვავებით საეკლესიო სამართალი არ იქნება მიკერძოებული”, – განაცხადა მეუფე პეტრემ.
სინოდის წევრები სავარაუდოდ, სწორედ დეკანოზ გიორგი მამალაძის დაკავების საკითხს და საპატრიარქოში შექმნილ ვითარებას განიხილავენ.
სინოდის შეკრებამდე ერთი დღით ადრე, საქართველოს მთავარმა პროკურატურამ საქმის მთავარი მტკიცებულებები გაასაჯაროვა და ფარული ჩანაწერების ნაწილი გამოაქვეყნა.
შესაძლოა დღევანდელ სხდომაზე ჭყონდიდის ეპარქიის მიტროპოლიტის, მეუფე პეტრე ცაავას მიერ გაკეთებული სკანდალური განცხადებების განხილვაც მოხდეს.
კომენტარები