წინასწარ დაგეგმილი მორიგი პროვოკაცია თსუ-თან – ნიკო მანაგაძე, რომელიც ღიად არის ჩართული პოლიტიკაში, პრემიერის ლექციის ჩაშლა ისევ სცადა.
სტუდენტური მოძრაობა „თავისუფლებისთვის“ დამფუძნებელმა თსუ-ის მეორე კორპუსთან მხარდამჭერები ამჯერადაც შეკრიბა. ადგილი ჰქონდა დაპირისპირების ფაქტს.
„ლექციას ჩვენი კურსელები, სტუდენტები ესწრებოდნენ. მშვიდად, საინტერესოდ, აქტიურად წარიმართა, მათ შორის, კითხვა-პასუხის რეჟიმში. ბატონი ირაკლი აქტიურად პასუხობდა ყველა სტუდენტს, რომელსაც კითხვა ჰქონდა.
მე ვარ სტუდენტი და ჩემი მოვალეობაა, რომ სალექციო კურსის ფარგლებში დავესწრო ლექციებს და ცოდნა მივიღო. მე ამაში ფულს ვიხდი და მათ შორის, ჩემი კურსელები.
ეს ყველაფერი არაჯანსაღია. ზოგადად, მეტყველებს მათ განათლებაზე, კულტურაზეც, ამ ახალგაზრდების ზრდილობაზეც. ახალგაზრდებს ძალიან ჯანსაღი აზრი გვაქვს და არ ვფიქრობ, რომ ამათი აზრი არის ჯანსაღი“, – განაცხადა ერთ-ერთმა სტუდენტმა, ჟურნალისტებთან საუბრისას.