2012 წლამდე 26 მაისი ალბათ იყო ერთი ჩვეულებრივი დასვენების დღე და მხოლოდ დედაქალაქში ტარდებოდა სამხედრო აღლუმი და არ იყო სახალხო ზეიმი, – ამის შესახებ მთავრობის ადმინისტრაციის წარმომადგენელმა თათა სვანიძემ „ქრონიკაში“ განაცხადა.
„2013 წელს, ახალი ხელისუფლების პირობებში, როდესაც პირველად გაიმართა 26 მაისი, იქიდან მოყოლებული ყოველწლიურად იცვლება თემა და წლიდან წლამდე მაქსიმალურად შევეცადეთ, რომ ეს დღესასწაული გამხდარიყო სახალხო დღესასწაული. როდესაც პირველად, ჩემმა მეგობარმა მომილოცა საქართველოს დამოუკიდებლობის დღე, მაშინ გუნდმა ერთმანეთს გადავხედეთ და ვთქვით, რომ მიზანს მივაღწიეთ.
ეს დღე ყველასია და ეს არის დღე, როდესაც არ აქვს მნიშვნელობა, რა პოლიტიკური თუ რელიგიური მრწამსის ხარ, რა ეროვნების ხარ, თუ პასპორტში საქართველოს მოქალაქე გიწერია, ეს ის დღე რომელიც უნდა გიხაროდეს და გეამაყებოდეს“, – აღნიშნა თათა სვანიძემ.