იტალიის პრემიერ-მინისტრი, ჯორჯია მელონი ეწინააღმდეგება უკრაინისათვის დასავლეთის მიერ მიწოდებული იარაღის რუსეთის ტერიტორიაზე დარტყმის მიზნით გამოყენებას. ინფორმაციას ამის შესახებ უკრაინული მედია ავრცელებს.
ჯორჯია მელონიმ კომენტარი გააკეთა ნატოს გენერალური მდივნის განცხადებაზე, რომ დროა ზოგიერთმა მოკავშირემ რუსეთში სამიზნეების წინააღმდეგ უკრაინისთვის მიწოდებული იარაღის გამოყენების შეზღუდვებს გადახედოს.
„არ მესმის, რატომ იტყოდა სტოლტენბერგი ასეთ რამეს. უფრო მეტი სიფრთხილეა საჭირო“, – აღნიშნა იტალიის მთავრობის მეთაურმა.
მელონიმ ასევე აღნიშნა, რომ ეთანხმება იმას, რომ ნატო უნდა დარჩეს მტკიცე და არ აჩვენოს სისუსტის ნიშნები.
კომენტარები