ვოლოდიმირ ზელენსკი დღეს ბრიუსელში ჩავა. ბელგიის დედაქალაქში, ქვეყნებს შორის უსაფრთხოების შესახებ შეთანხმების გაფორმება იგეგმება. იქამდე, უკრაინის პრეზიდენტმა უსაფრთხოების სფეროში თანამშრომლობის შესახებ ხელშეკრულებას, მადრიდში, ესპანეთის პრემიერ მინისტრთან ერთად მოაწერა ხელი.
„რუსეთი თვეში 3 ათასზე მეტ მართვად საჰაერო ბომბს იყენებს უკრაინელების წინააღმდეგ. ვფიქრობთ, მომავალ თვეში, მათი რაოდენობა შეიძლება 3 500-მდე გაიზარდოს. უკრაინელი ხალხის თავზე ათასობით საჰაერო ბომბის წვიმა მოდის. როგორ გავუძლოთ ამას? დღეს ჩვენ ვისაუბრეთ საჰაერო დაცვაზე. ესპანეთს ცალმხრივად ამ საკითხის გადაწყვეტა არ შეუძლია, ამიტომ ჩვენ ერთად უნდა ვიმუშაოთ და ზეწოლა მოვახდინოთ არა მხოლოდ რუსეთზე, არამედ პარტნიორებზეც, რომ მოგვცენ შესაძლებლობა დავიცვათ თავი რუსეთის ფედერაციისგან“, – აღნიშნა ზელენსკიმ.