უცხოურმა კომპანიებმა, რომლებმაც 2022 წელს, რუსეთის უკრაინაში შეჭრის შემდეგ რუსული ბაზრიდან გასვლის შესახებ განაცხადეს, ქვეყანაში მუშაობა გააგრძელეს. ამის შესახებ Financial Times-ი წერს.
გამოცემის ინფორმაციით, რუსეთში ასობით კომპანია გაჩნდა, რომელიც ქვეყნიდან გასვლას აპირებდა. Financial Times-ი აღნიშნავს, რომ კომპანიებს ბიუროკრატიული დაბრკოლებები შეექმნა. ომის შემდეგ, რუსეთის მთავრობამ მოითხოვა, რომ კომპანიებმა არამეგობრული ქვეყნებიდან, რომლებიც რუსეთში საკუთარ აქტივებს ყიდიან, 50%-იანი ფასდაკლება უნდა გააკეთონ. ამასთან, კომპანიები ვალდებულები არიან 15%-იანი გადასახადი გადაიხადონ.
ერთ-ერთმა ტოპ-მენეჯერმა, რომელიც რუსეთში დასავლურ კომპანიებთან მუშაობს FT-ს განუცხადა, რომ არაერთ ევროპულ კომპანიას ისეთი მყიდველები შესთავაზეს, რომლებიც მათთვის მიუღებელნი იყვნენ.
კიდევ ერთმა მენეჯერმა კი აღნიშნა, რომ ომის დაწყებიდან პირველ ეტაპზე კომპანიები რუსეთის ბაზრიდან გასვლას საკუთარ მორალურ ვალად მიიჩნევდნენ, ახლა კი ისინი სვამენ კითხვას – მართლა არის საჭირო წასვლა?
„ზოგმა ამ კომპანიამ 30 წლის განმავლობაში აქ 4-5 ქარხანა ააშენა. ისინი არ აპირებენ მათი 90%-იანი ფასდაკლებით გაყიდვას“, – განაცხადა გამოცემის მოსაუბრემ.