ტელეკომპანია რუსთავი 2-ის გენერალური დირექტორი ნიკა გვარამია, ბათუმში განვითარებულ მოვლენებს ეხმიანება და შსს-ს პოზიციას, ძალის გამოუყენებლობის შესახებ გმობს და მიიჩნია, რომ პოლიციას აქციის მონაწილეების მიმართ ძალა უნდა გამოეყენებია. ის სოციალურ ქსელში პოსტს აქვეყნებს:
“რომელი პარტიის მთავრობაც არ უნდა იყოს, ჩემი პოზიცია ყოველთვის იქნება, რომ სპეცრაზმმა და პატრულმა უნდა იმოქმედოს სიტუაციის შესაბამისად.
პროპორციული და ადეკვატური ძალის გამოყენება მარტო ძალის გადამეტებისგან თავშეკავებას კი არ ნიშნავს, არამედ არასათანადო რეაგირებისგანაც. გადამეტება ცუდია, მაგრამ საერთოდ სიტუაციიდან თავის გარიდება – ასევე ცუდი.
გუშინდელი არასაკმარისი რეაქციით, შსს-მ პრაქტიკულად გადააწვევინა ბათუმი დამნაშავეებს და დიახ, ეგეც ძალის არაადეკვატური და არაპროპორციული გამოყენებაა, ოღონდ მინუს ნიშნით! არავითარი გამართლება ამას არა აქვს!”.-წერს გვარამია.