ვლადიმერ პუტინმა სახელმწიფო საბჭოს მდივნად თავისი ყოფილი პირადი მცველი, ალექსეი დიუმინი დანიშნა.
51 წლის დიუმინი გასული წლების განმავლობაში სხვადასხვა თანამდებობას იკავებდა. 14 მაისამდე ის ტულის ოლქის გუბერნატორი იყო. მეხუთე ვადით, პრეზიდენტად არჩევის შემდეგ კი, პუტინმა ის სამხედრო-სამრეწველო კომპლექსისა და სპორტის საკითხებში პირად თანაშემწედ დაინიშნა.
დღეს კი, ვლადიმერ პუტინმა ხელი მოაწერა განკარგულებას დიუმინის სახელმწიფო საბჭოს მდივნად გადაყვანაზე.
ალექსეი დიუმინი რუსეთის ფედერალური დაცვის სამსახურში, რომელიც კრემლის უსაფრთხოებას უზრუნველყოფს, 1995 წელს გაწევრიანდა. ის ვლადიმერ პუტინის პრეზიდენტობის პირველი ორი ვადის განმავლობაში, პირადი დაცვის წევრი იყო. მოგვიანებით კი, რუსეთის სამხედრო დაზვერვის, „გრუს“ ხელმძღვანელის თავმდჯომარე იყო. როგორც მედია წერს, კრემლის კულუარებში ალექსეი დიუმინს პუტინის მემკვიდრედაც მოიაზრებენ.