საფრანგეთის დედაქალაქ პარიზში ამერიკის პრეზიდენტ ჯო ბაიდენისა და უკრაინის პრეზიდენტ ვოლოდიმირ ზელენსკის შეხვედრა გაიმართა.
ბაიდენმა უკრაინელ კოლეგას ბოდიში მოუხადა სამხედრო დახმარების ახალი პაკეტის გადაცემის შეფერხებისთვის.
„ბოდიშს ვიხდი იმ კვირების გამო, როცა არ ვიცოდი, რა მოხდებოდა დაფინანსების კუთხით, რადგან ჩვენი კონსერვატიული წევრების გამო პრობლემა შეგვექმნა კანონპროექტის მიღებისას, მაგრამ ჩვენ ეს შევძელით“, – განაცხადა ჯო ბაიდენმა.
ამერიკის პრეზიდენტმა ასევე უკრაინის დახმარების ახალი, 225 მილიონი დოლარის პაკეტი დააანონსა.
„თქვენ არ დანებებულხართ და აგრძელებთ ბრძოლას გზით, რომელიც გასაოცარია. ჩვენ არ ვაპირებთ თქვენს მიტოვებას“, – განაცხადა ბაიდენმა.
კომენტარები