რა თქმა უნდა, როცა ხედავენ, რომ ქართველი ხალხისგან მათ უკვე 12 წელია, აქვთ მყარი უარი, რომ ერთი გრამი ძალაუფლებაც არ ჩაუვარდეთ ხელში, ერთადერთი გზა არის დემოკრატიის გვერდის ავლით, ძალადობით ხელისუფლების მოპოვება, – ამის შესახებ საქართველოს პარლამენტის თავმჯდომარე შალვა პაპუაშვილმა ოპოზიციაზე საუბრისას განაცხადა.
პაპუაშვილის თქმით, „ამას ისინი ცდილობენ 12 წელია და ამას ცდილობენ ახლაც“.
„ეს არის ყველაზე შემაშფოთებელი, რომ ამას აკეთებენ სახელით და გვარით ქართველი ადამიანები, რომლებსაც შეუძლიათ, იმის გამო, რომ სხვისი დავალებით ძალაუფლება აიღონ ხელში, რომ შემდეგ სხვისი დავალებები შეასრულონ ამ ქვეყანაში, ამის გამო შეუძლიათ, ქვეყანა გაწირონ არეულობისკენ. სინამდვილეში, მიზანი ერთი აქვთ, ხელისუფლებაში მოსვლა, ოღონდ არა ხალხისთვის, არც თავისთვის უნდათ ეს ხელისუფლება. მათ უნდათ, ხელისუფლება მოიპოვონ სხვისთვის. სხვა გარე ქვეყნებისთვის და ჯგუფებისთვის, რომ მათი დავალებები და სურვილები შეასრულონ საქართველოს მეშვეობით“, – განაცხადა შალვა პაპუაშვილმა.