“ორწლიანი რესტავრაციის შემდეგ დღეს სვანეთის მთებში დავაბრუნეთ ქურაშის მე-12 საუკუნის ხელნაწერი ოთხთავი, ამ საგანძურმა ყველა ქარტეხილი გამოიარა და ჩვენამდე მოაღწია”

ორწლიანი რესტავრაციის შემდეგ დღეს სვანეთის მთებში დავაბრუნეთ ქურაშის მე-12 საუკუნის ხელნაწერი ოთხთავი. კონკრეტულად, პალიმფსესტის ამ ორ გვერდზე ხელნაწერის ქვემოთ მე-9 საუკუნის გაცრეცილი წარწერები ოდნავღა მოჩანს, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

მისი თქმით, ყველაფერი ბრუნავს, მაგრამ ყველაფერი დროებითი წარმავალია, რაც რჩება ჩვენი მამული, ჩვენი ენა და ჩვენი სარწმუნოებაა.

,,ორწლიანი რესტავრაციის შემდეგ დღეს სვანეთის მთებში დავაბრუნეთ ქურაშის მე-12 საუკუნის ხელნაწერი ოთხთავი. კონკრეტულად პალიმფსესტის ამ ორ გვერდზე ხელნაწერის ქვემოთ მე-9 საუკუნის გაცრეცილი წარწერები ოდნავღა მოჩანს. ათასწლეულის განმავლობაში, ერთი სოფლის რამდენიმე გვარის წყალობით, ამ საგანძურმა ყველა ქარტეხილი გამოიარა და ჩვენამდე მოაღწია.

„ხილული დროებითია, უხილავი კი – მარადიული“. (კორინთელთა მიმართ მეორე ეპისტოლე).

ყველაფერი ბრუნავს, მაგრამ ყველაფერი დროებითი წარმავალია, ხოლო რაც რჩება არის ჩვენი მამული, ჩვენი ენა და ჩვენი სარწმუნოება. ღმერთმა დალოცოს საქართველო“, – წერს პარლამენტის თავმჯდომარე სოციალურ ქსელში.