ევროპისა და ევრაზიის საკითხებში ამერიკის სახელმწიფო მდივნის თანაშემწე ჯიმ ო’ბრაიენი 10-12 ივნისს ოფიციალური ვიზიტით ერევანში ჩავა. ინფორმაცია ამის შესახებ ო’ბრაიენმა სოციალურ ქსელში გამოაქვეყნა.
სომხური მედიის ინფორმაციით, სახელმწიფო მდივნის თანაშემწე აშშ-სომხეთის სტრატეგიული დიალოგის ფარგლებში შეხვედრას უხელმძღვანელებს. შეხვედრაზე მხარეები ორმხრივი ურთიერთობების გაღრმავებაში მიღწეულ მნიშვნელოვან პროგრესზე ისაუბრებენ და შემდგომ ნაბიჯებსაც განიხილავენ.
ვიზიტის ფარგლებში ჯიმ ო’ბრაიენი სომხეთის მთავრობის მაღალჩინოსნებს შეხვდება. ასევე, დაგეგმილია შეხვედრა ბიზნესმენებთან და სამოქალაქო საზოგადოების წარმომადგენლებთან.
კომენტარები