საფრანგეთის ეგზიტპოლის შედეგებისთანახმად, ევროპარლამენტის არჩევნებში მარინ ლე პენის პარტია „ეროვნული გაერთიანების“ (RN) კანდიდატები ლიდერობენ, რომლის სიის სათავეშიც ჯორდან ბარდელაა. წინასწარი შედეგებით, მათ ევროპარლამენტის არჩევნებში ხმების 30%-ზე მეტი მიიღეს.
საფრანგეთის პრეზიდენტ ემანუელ მაკრონის „რენესანსის“ პარტია, რომლის კანდიდატთა სიის სათავეში ვალერი ჰეიერია, 15,2%-ით მეორე ადგილს იკავებს.
ეგზიტპოლის შედეგების მიხედვით, რაფაელ გლუკსმანის მეთაურობით სოციალისტებმა 14 პროცენტი დააგროვეს. ერიკ ზემორის ულტრამემარჯვენე „რეკონკისტამ“ 5,5% მიიღო, ხოლო მემარცხენე პარტიამ „დაუმორჩილებელი საფრანგეთი“ (LFI) – 8,3%. მწვანეებმა მხოლოდ 5,2% დააგროვეს.
საფრანგეთში აქტივობა დაახლოებით 51% პროცენტი იყო, რაც მცირედით აღემატება 2019 წლის მონაცემს.
კომენტარები