ისრაელის სამხედრო-საჰაერო ძალებმა გვიან ღამით ლიბანის სამხრეთით მდებარე კფარჰამამის რაიონში იარაღის საწყობზე იერიში მიიტანა. ინფორმაცია ამის შესახებ ისრაელის თავდაცვის არმიის („ცაჰალის“) ტელეგრამ არხზეა გამოქვეყნებული.
„კფარჰამამის რაიონში იარაღის საწყობი დაიბომბა. დაბომბვის შემდეგ დაფიქსირდა განმეორებითი აფეთქებები, რაც იმაზე მიუთითებს, რომ საწყობში დიდი რაოდენობის შეიარაღება ინახებოდა“, – ნათქვამია ინფორმაციაში.
გარდა ამისა, გვიან ღამით ისრაელის არმიამ ლიბანის ტერიტორიიდან ისრაელის მიმართულებით რამდენიმე ჭურვის გაშვება დააფიქსირა. ამის საპასუხოდ სამხედრო-საჰაერო ძალებმა „ჰეზბოლას“ სამხედრო ინფრასტრუქტურა დაბომბა.
კომენტარები