აშშ-ის პრეზიდენტმა ჯო ბაიდენმა ვაშინგტონში ისრაელის პრემიერ-მინისტრთან ბენიამინ ნეთანიაჰუსთან შეხვედრისას აღნიშნა, რომ მისთვის და ყველასთვის საჭიროა ღაზის სექტორში ცეცხლის შეწყვეტა და ტყვეების გათავისუფლება. ამის შესახებ აშშ-ის ეროვნული უშიშროების საბჭოს სტრატეგიული კომუნიკაციების კოორდინატორმა ჯონ კირბიმ განაცხადა.
„პრეზიდენტი ფიქრობს, და ჩვენც ვფიქრობთ, რომ ჩვენ ტყვეების გათავისუფლებასა და ცეცხლის შეწყვეტაზე უნდა შევთანხმდეთ. პრეზიდენტმა დაუდასტურა პრემიერ-მინისტრ ნეთანიაჰუს, რომ მას და ჩვენ ძალიან გვჭირდება ეს შეთანხმება“, – თქვა კირბიმ.
კირბიმ აგრეთვე დასძინა, რომ ცეცხლის შეწყვეტის შესახებ მოლაპარაკებებში ხარვეზები არსებობს, თუმცა აშშ მუშაობს ამ პრობლემების აღმოსაფხვრელად. „არსებობს ხარვეზები, რომლებიც რჩება ცეცხლის შეწყვეტის შესახებ მოლაპარაკებებში. ჩვენ გვჯერა, რომ ეს ხარვეზები ისეთი ხასიათისაა, რომ მათი აღმოფხვრა შესაძლებელია“, – თქვა მან.