უკრაინის საჰაერო ძალებმა რუსეთის ფედერაციის კურსკის ოლქში, მდინარე სეიმზე ხიდი ააფეთქეს. აფეთქების ამსახველი ვიდეო საჰაერო ძალების მეთაურმა ნიკოლაი ოლეშჩუკმა გამოაქვეყნა.
„საჰაერო ძალების ავიაცია კურსკის მიმართულებით საბრძოლო მოქმედებებში აქტიურად მონაწილეობს. უკრაინელი მფრინავები მაღალი სიზუსტის დარტყმებით უტევენ მტრის საყრდენ პუნქტებს, ტექნიკას, ლოჯისტიკურ ცენტრებსა და მომარაგების მარშრუტებს“, – აცხადებს ნიკოლაი ოლეშჩუკი.
როგორც უკრაინული მედია აღნიშნავს, ხიდი მდინარე სეიმზე ამ რაიონში რუსი სამხედროებისთვის საბრძოლო მასალის და საკვების მიწოდების ძირითადი გზაა.
კომენტარები