ქართველი ფალავნების 4 მედალი უნგრეთის საჭიდაო ხალიჩაზე

საქართველოს ბერძნულ-რომაული სტილით მოჭიდავეთა ნაკრებმა 25-26 მარტს უნგრეთის ქალაქ სომბათეიში გამართულ პოლიაკ იმრეს სახელობის საერთაშორისო ტურნირზე 1 ოქროს და 3 ბრინჯაოს მედალი მოიპოვა.
ტურნირის გამარჯვებული მძიმეწონოსანი ლევან არაბული (130 კგ.) გახდა, ამავე წონაში მესამე საპრიზო ადგილი ვასილ იმერლიშვილმა დაიკავა, ბრინჯაოს მედლები კი ევროპის ვიცე-ჩემპიონმა რობერტ კობლიაშვილმა (85 კგ.) და ევროპის ჩემპიონმა ზურაბ დათუნაშვილმა (80 კგ.) მოიპოვეს. მედლის მოპოვებამდე ერთი გამარჯვება დააკლდა ნიკოლოზ კელასოვს (80 კგ.).
არაბულმა საჩემპიონო გზაზე 4 მეტოქე დაამარცხა: არგენტინელ დელ რიოს 58 წამში წმინდად მოუგო, შემდეგ მსოფლიოს ჩემპიონ და ოლიმპიურ პრიზიო ესტონელ ნაბის სძლია 2:0, ნახევარფინალში უნგრელი ლაინი 5:0 დაამარცხა, ხოლო ფინალში ფინელი ტომას ლაჰტი დაჯაბნა – 3:0.
იმერლიშვილმა ბრინჯაოს მედლისათვის შეხვედრაში იაპონელ არუტა სონადას 3:1 მოუგო, კობლიაშვილმა პოლონელი ტადეუს მიხალიკი 3:1 დაამარცხა, დათუნაშვილმა კი ამერიელ იან სტეპენვიცს დაძაბულ ბრძოლაში – 4:4-ზე მოუგო.
უნგრეთის საერთაშორისო ტურნირში 20 ქვეყნის წარმომადგენლები მონაწილეობდნენ.