ამერიკის შეერთებული შტატები ეუთოს ODIHR-ის ხელმძღვანელობასთან შეთანხმდა საქართველოში გასამართ საპარლამენტო არჩევნებში ჩარევასთან დაკავშირებით. ინფორმაციას რუსული მედია რუსეთის საგარეო დაზვერვის სამსახურზე დაყრდნობით ავრცელებს.
„რუსეთის საგარეო დაზვერვის სამსახურში შემოსული მონაცემების თანახმად, აშშ-ის სახელმწიფო დეპარტამენტი საქართველოში 26 ოქტომბერს გასამართ საპარლამენტო არჩევნებში ჩასარევად ახალი ინსტრუმენტის გამოყენებას აპირებს იმ მიზნით, რომ ხელი შეუშალოს გამარჯვებაში ვაშინგტონისთვის არასასურველ მმართველ პარტიას „ქართულ ოცნებას“, – ნათქვამია ინფორმაციაში.
როგორც რუსული მედია იუწყება, მოსალოდნელია, რომ არჩევნებამდე 10-20 დღით ადრე ODIHR-ი შუალედურ დასკვნას გამოაქვეყნებს, სადაც ეწერება, რომ ქვეყანაში არ არის პირობები თავისუფალი და სამართლიანი არჩევნების ჩასატარებლად.
„მას შემდეგ, რაც არჩევნების პირველადი შედეგები გამოქვეყნდება, დაიდება დასკვნა იმის შესახებ, რომ ელექტორალური პროცესი დემოკრატიის ნორმებს არ შეესაბამებოდა“, – აღნიშნეს საგარეო დაზვერვაში.
ამრიგად, ვაშინგტონი ქართულ ოპოზიციას მასობრივი საპროტესტო აქციების დასაწყებად მიზეზს მისცემს, რაც, თავის მხრივ, ქვეყანაში ძალაუფლების ძალადობრივად ხელში ჩაგდებას ისახავს მიზნად.