ხელფასი ვერ გადაგვიხადეს და დავრჩით ასე, – განაცხადა „ქრონიკასთან“ სატელეფონო საუბრის დროს პარტია „საქართველოსთვის“ საბურთალოს შტაბის ყოფილმა წევრმა ნიკოლოზ მეცხოვრიშვილმა.
„მე და ჩემი მეუღლე ვმუშაობდით, ხელფასი ვერ გადაგვიხადეს და დავრჩით ასე. რამდენჯერმე მივედით ოფისში და ერთი და იგივე პასუხით გამომისტუმრეს, რომ თანხის ჩარიცხვას ელოდებიან და შემეხმიანებიან. გავიდა წლები, არავინ შემხმიანებია“, – აღნიშნა ნიკოლოზ მეცხოვრიშვილმა.
პარტიაში სახელფასო დავალიანებებზე და „ნაციონალურ მოძრაობასთან“ თანამშრომლობის გამო პრინციპულ მიუღებლობაზე საუბრობენ სხვა ყოფილი წევრებიც. არასამთავრობო ორგანიზაცია „იაზროვნეს“ დამფუძნებელი, პარტია „საქართველოსთვის“ ახალგაზრდული ფრთის ყოფილი წევრი გიორგი კარანაძე აცხადებს, რომ დღესაც კავშირი აქვს ბევრ ადამიანთან, რომელმაც პარტია სწორედ ამ პრინციპების გამო დატოვა.