თავდაცვის აკადემიის იუნკერებს თურქეთის მხარემ სტამბოლში უმასპინძლა

ეროვნული თავდაცვის აკადემიის იუნკერებმა მონაწილეობა მიიღეს აზერბაიჯანი-საქართველო-თურქეთის სამხედრო საგანმანათლებლო დაწესებულებების თანამშრომლობის ფარგლებში გამართულ, სამმხრივი ფორმატის სპორტულ შეჯიბრებებში, რომელსაც თურქეთის მხარემ ქალაქ სტამბოლში უმასპინძლა. აღნიშნულ ღონისძიებაში აკადემიის იუნკერებთან ერთად აზერბაიჯანისა და თურქეთის სამხედრო აკადემიების კადეტებიც მონაწილეობდნენ.
აღნიშნულ სპორტულ ღონისძიებაში აკადემიის იუნკერებმა სხვადასხვა სპორტის სახეობებში საპრიზო ადგილები დაიკავეს. საერთო ჯამში აიღეს 6 ოქროს, 6 ვერცხლის და 14 ბრინჯაოს მედალი.
მსგავს სპორტულ ღონისძიებებში აკადემიის იუნკერების მონაწილეობა ხელს უწყობს მათი ფიზიკური კონდიციების ამაღლებას, პარტნიორი ქვეყნების სამხედრო სასწავლებლების კადეტებსა და იუნკერებს შორის მეგობრული ურთიერთობების ჩამოყალიბებას, რაც მნიშვნელოვანი წინაპირობაა მათ შორის სამომავლო თანამშრომლობის კუთხით.