უფლებადამცველმა ლალი მოროშკინამ გადაცემაში „იმედის კვირა“ ბოლო დღეებში განვითარებული მოვლენები შეაფასა. მისი განცხადებით, უნდა დაიწყოს მოლაპარაკებების ფორმატი.
„უნდა დასრულდეს ეს აქციები ან გადაიზარდოს ძალიან მშვიდობიან ფორმაში, რასაც სთავაზობს პრემიერი. უნდა დაიწყოს ამ ჯგუფებიდან ლიდერების გამოყოფა, მოლაპარაკების ფორმატი უნდა დაიწყოს“, – განაცხადა ლალი მოროშკინამ.
თუმცა, მან აქვე აღნიშნა, რომ ამგვარი მოლოდინი არ აქვს.
„იმ გულანთებულებთან ერთად მუშაობს მეხუთე კოლონა, რომელმაც იმუშავა მთელი ამ წლების განმავლობაში. სამწუხაროდ, რაღაცები ჩვენ ალბათ, დავაკელით – ყურადღება ახალგაზრდებს, უნივერსიტეტებში შესვლა, ახსნა. მაგალითად, მე ვისთანაც ხელი მიმიწვდებოდა, ის ახალგაზრდები იქ არ დგანან“, – განაცხადა ლალი მოროშკინამ.
მისი შეფასებით, ახალგაზრდები, რომლებიც პროტესტს გამოხატავენ, აქციაზე კარგავენ ინდივიდუალურობას.
„შეიძლება, სულ არ უნდოდეს იმ მომენტში რაღაც მძიმე საგნის ხელში დაჭერა, მაგრამ მასიური ფსიქოზი მუსაობს“, – აღნიშნა ლალი მოროშკინამ.