ევროკავშირისგან პერსონალური სანქციების დაწესების არანაირი მოლოდინი არ გვაქვს, – ამის შესახებ პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა საქართველოს პირველ არხს განუცხადა.
მისი თქმით, მთავრობის მთავარი ამოსავალი წერტილია, რომ ქვეყანაში მშვიდობა და ეკონომიკური განვითარების შესაძლებლობა იყოს.
„არანაირი მოლოდინი არ გვაქვს, რომ ევროკავშირისგან პერსონალური სანქციები იქნება. არ ვუყურებთ იმას, ვინმე სანქციას დააწესებს თუ არა, ჩვენი მთავარი ამოსავალი წერტილია, რომ ამ ქვეყანაში მშვიდობა და ეკონომიკური განვითარების შესაძლებლობა იყოს. პოლიტიკურად ვინ რა გადაწყვეტილებას მიიღებს, ეს ჩვენი განხილვის თემა არ არის. იმის ნაცვლად, რომ არსებული ხიდები კიდევ უფრო ავაშენოთ და არა დავწვათ, ვხედავთ, ხელის გადაგრეხის მცდელობას“, – განაცხადა ლევან მახაშვილმა.