მინდა ვისარგებლო შემთხვევით და ერთ-ერთ დაზარალებულს და მისი სახით ყველა დაზარალებულს სოლიდარობა გამოვუცხადო. ეს გახლავთ ალი ბაბაევი, – განაცხადა საქართველოს პარლამენტის თავმჯდომარის მოადგილე თეა წულუკიანმა გადაცემაში „იმედი LIVE“.
თეა წულუკიანის თქმით, მასზე აღმართული ხელი მისთვის მტკივნეული იყო.
„მე მაქვს ჩემი კონკრეტული ემოციური კავშირი ჩვენი ქვეყნის ამ ძალიან საამაყო შვილთან, იმიტომ, რომ ჩვენ ჯერ კიდევ 2011-2012 წლებში მაშინდელ ხელისუფლებას ქუჩიდან ვებრძოდით. ამიტომ, მასზე აღმართული ხელი, რა თქმა უნდა, ჩემთვის მეტად მტკივნეული იყო. თუმცა, დაზარალებული მარტო ის არ არის. არაერთი დემონსტრანტია დაზარალებული და დაზარალებულია არაერთი პოლიციელი, თან მძიმედ. ამიტომ, ყველა მათგანს მალე გამოჯანმრთელებას ვუსურვებ“, – აღნიშნა თეა წულუკიანმა.
კომენტარები