დასავლეთიდან ჩვენ შეჩვეული ვართ იმას, რომ კაცებს თუ არ გაათხოვებთ, ისე ევროპაში ვერ მიგიღებთო. შავ ფულს თუ არ ჩაგვარიცხვინებთ მანდ და გამჭვირვალობის კანონს თუ არ გააუქმებთ, ევროპაში ისე არ მიგიღებთო, გათხოვილი კაცები გამოუშვეს და ეკლესია გალანძღეს, – განაცხადა გადაცემა „დღის ქრონიკაში“ „ხალხის ძალის“ აღმასრულებელმა მდივანმა გურამ მაჭარაშვილმა, რითაც უპასუხა კითხვას, თუ დიალოგის რა რესურსი არსებობს საერთაშორისო პარტნიორებთან მაშინ, როდესაც მათი ნაწილი საქართველოს ახლად არჩეული პრეზიდენტის ლეგიტიმაციას არ აღიარებს.
გურამ მაჭარაშვილის თქმით, საზოგადოებას უნდა შევახსენოთ ის ფაქტი, რომ არსებობს საყოველთაოდ აღიარებული ფაქტები.
„შენ ამას აღიარებ თუ არ აღიარებ, რა თქმა უნდა, შენი ნებაა, მაგრამ ეს საყოველთაოდ აღიარებული ფაქტები არსებობს. მაგალითად ის, რომ დილით მზე ამოვიდა, ეს არის საყოველთაოდ აღიარებული ფაქტი. მაგალითად ის, რომ სადღაც ომი დაიწყო, ესეც არის საყოველთაოდ აღიარებული ფაქტი. სადღაც ჩატარდა არჩევნები და აირჩიეს ვიღაც პოლიტიკური პარტია, ესეც არის საყოველთაოდ აღიარებული ფაქტი. შესაბამისად, ვისაც უნდა ახლა დაიჯეროს თუ არ დაიჯეროს, ეს მისი საქმეა, მაგრამ რეალობის აღქმის უნარი, გააჩნია მსოფლიო საზოგადოების და რაც მთავარია, ქართული საზოგადოების აბსოლუტურ უმრავლესობას. ჩვენ დავინახეთ, რომ საქართველოს 2 მილიონ 70 ათასი მოქალაქიდან, მილიონ 120 ათასმა აირჩია მოქმედი ხელისუფლება.
შესაბამისად, ცესკომ დაადგინა ის კვოტები, რა კვოტებიც დაადგინა საქართველოს პარლამენტში, რომელიც შედგა და ახლა უკვე კოლეგიის წევრებმა ავირჩიეთ საქართველოს პრეზიდენტი. ეს არის მოცემულობა. თქვენ ხომ აკვირდებით, რომ აქციის მონაწილეები არჩევნებსაც აღიარებენ და პრეზიდენტის არცევებსაც აღიარებენ. აბა დღეს რატომ მოვიდნენ მაშინ აქციაზე და არა გუშინ, მაგალითად. რატომ ამბობენ, რომ დღეს საქართველოს პრეზიდენტი არალეგიტიმურად ირჩევა. იმიტომ, რომ ისინი ამ საყოველთაოდ აღიარებულ ფაქტს ხედავენ. უბრალოდ, ჩვენ არ გვჯერაო, ამბობენ. ამაზე ცნობილი გამონათქვამი არსებობს, ვისაც გვჯერა, ისინი უნდა გაგვატარონ.
რაც შეეხება დასავლეთს, იქიდან აღარ გვიკვირს უკვე, რაც მალე დამთავრდება ძალიან. 2025 წლიდან სულ სხვა მსოფლიო იქნება და მათ შორის, საქართველოში ვითარება. დასავლეთიდან ჩვენ შეჩვეული ვართ იმას, რომ კაცებს თუ არ გაათხოვებთ, ისე ევროპაში ვერ მიგიღებთ. შავ ფულს თუ არ ჩაგვარიცხვინებთ მანდ და გამჭვირვალობის კანონს თუ არ გააუქმებთ, ევროპაში ისე არ მიგიღებთ. გათხოვილი კაცები გამოუშვეს და ეკლესია გალანძღეს. გუშინ ბოლშევიკებს პირდაპირ მიბაძეს, ტაძარში შევარდნენ და მღვდლებს შეურაცხყოფა მიაყენეს და ა. შ. რეალურად, მათი სახე ჩანს უკვე თავიდან ბოლომდე და ეს რეალობა საზოგადოებამ კარგად დაინახა“, – აღნიშნა გურამ მაჭარაშვილმა.