“ჩვენთვის არ არის ევროპა, რომლიდანაც გვთხოვენ ბავშვებში სქესის შეცვლის დაშვებას”

როდესაც გვსაყვედურობენ [ევროკავშირის] გზიდან გადახვევას, აუცილებლად უნდა მოაყოლონ განმარტება, თუ რა იგულისხმება ამ გზიდან გადახვევაში. ჩვენთვის არ არის ევროპა, რომლიდანაც გვთხოვენ ბავშვებში სქესის შეცვლის დაშვებას, – განაცხადა „ქართული ოცნების“ წევრმა არჩილ გორდულაძემ ევროკავშირის საბჭოს ანგარიშთან დაკავშირებით.

„როდესაც გვსაყვედურობენ [ევროკავშირის] გზიდან გადახვევას, აუცილებლად უნდა მოაყოლონ განმარტება, თუ რა იგულისხმება ამ გზიდან გადახვევაში და რა არის შინაარსში. ჩვენთვის არ არის ევროპა, რომლიდანაც გვთხოვენ ბავშვებში სქესის შეცვლის დაშვებას, რომ ლგბტ პროპაგანდა იყოს ბაღებსა და სკოლებში, რომ გაუმჭვირვალობა ეს არის წესი. რბილად რომ ვთქვათ, ძალიან სამწუხაროა, როდესაც ასეთ უსამართლო განცხადებებს ვისმენთ ხოლმე. ჩვენთვის მისაღებია მხოლოდ თანასწორუფლებიანი დამოკიდებულება – ისე, როგორც შეეფერება ქართველ, ღირსეულ ხალხს“, – აღნიშნა გორდულაძემ.

ევროკავშირის საბჭომ ევროკავშირის გაფართოების შესახებ ანგარიში გამოაქვეყნა, რომელშიც განხილულია დასავლეთ ბალკანეთის ექვსი პარტნიორი ქვეყანა, ასევე თურქეთი, უკრაინა, მოლდოვა და საქართველო.