ევროპარლამენტარმა რაფაელ გლუქსმანმა სოციალურ ქსელ X-ში დაწერა, რომ კომპანია SpaceX-ის დამფუძნებელი და ტრამპის ადმინისტრაციაში აშშ-ის მთავრობის ეფექტურობის დეპარტამენტის მომავალი თანახელმძღვანელი ილონ მასკი დიდი ბრიტანეთის საქმეებში ერევა.
„ამ ქსელის მეპატრონე, ტრამპის ადმინისტრაციის მაღალჩინოსანი სუვერენული სახელმწიფოს [დიდი ბრიტანეთის] არჩეული მთავრობის დამხობით იმუქრება. ეს წმინდა წყლის ჩარევაა. თუ ჩვენ ამას მტკიცედ არ ვუპასუხებთ, ჩვენი დემოკრატიები ამ ქარიშხალს ვერ გაუძლებს“, – დაწერა გლუქსმანმა.
ცნობისთვის, გუშინ მასკმა სოციალურ ქსელ X-ზე გამოაქვეყნა გამოკითხვა შინაარსით „უნდა გაათავისუფლოს თუ არა ამერიკამ ბრიტანელი ხალხი ტირანული მთავრობისგან?“. გამოკითხვაში ორ მილიონამდე ადამიანმა მიიღო მონაწილეობა. 58%-მა დასმულ კითხვას დადებითი პასუხი გასცა, ხოლო 42%-მა – უარყოფითი.