უნგრეთის საგარეო საქმეთა მინისტრმა, პიტერ სიიარტომ განაცხადა, რომ უკრაინამ რუსული გაზის ტრანზიტის შეჩერებით ევროკავშირი რთულ ეკონომიკურ სიტუაციაში ჩააყენა.
როგორც უნგრეთის საგარეო საქმეთა სამინისტროს ხელმძღვანელმა აღნიშნა, „ყველაზე ფანატიკურ ბრიუსელელებსაც“ არ შეუძლიათ იმის უარყოფა, რომ ევროკავშირის კონკურენტუნარიანობა ბოლო დროს „მკვეთრად გაუარესდა“.
პიტერ სიიარტოს თქმით, ამის ერთ-ერთი მთავარი მიზეზი ის არის, რომ „ევროპაში გაზის ფასი გაცილებით მაღალი გახდა, ვიდრე ჩვენს კონკურენტებს აქვთ“.
„მას შემდეგ, რაც დეკემბრის შუა რიცხვებში უკრაინის სატრანზიტო მარშრუტი საბოლოოდ გაჩერდა, ევროპულ ბაზარზე ბუნებრივი აირის ფასი 20%-ით გაიზარდა. ამრიგად, მიუხედავად იმისა, რომ უკრაინა ცდილობს ევროკავშირში გაწევრიანებას, როგორც წევრობის კანდიდატი, თავისი ბოლო გადაწყვეტილებით მან კიდევ ერთხელ ჩააყენა ევროპის ეკონომიკა მძიმე მდგომარეობაში. ეს განსაკუთრებით ეხება ცენტრალურ ევროპას“, – განაცხადა პიტერ სიიარტომ.