აშშ-ის არჩეულმა პრეზიდენტმა, დონალდ ტრამპმა განაცხადა, რომ განიხილავს ეკონომიკური ძალის გამოყენებას კანადის მიერთებისთვის.
ტრამპმა ჟურნალისტებს განუცხადა, რომ არ გამორიცხავს სამხედრო მოქმედებებს პანამის არხზე კონტროლის დასაბრუნებლად და დანიის მიერ კონტროლირებადი გრენლანდიის შესაძენად, რომელიც, მისი თქმით, აშშ-ს სჭირდება ეკონომიკური და უსაფრთხოების მიზეზების გამო.
კითხვაზე, განიხილავს თუ არა იგივეს კანადის ანექსიისა და შეძენისთვის, ტრამპმა უპასუხა: „არა – ეკონომიკური ძალა“.
„კანადა და შეერთებული შტატები, ეს ნამდვილად რაღაც [დიდებული] იქნებოდა. ასევე ეს ბევრად უკეთესი იქნება ეროვნული უსაფრთხოებისთვის“, – განაცხადა დონალდ ტრამპმა.
კანადის პრემიერ-მინისტრმა, ჯასტინ ტრუდომ განაცხადა, რომ მცირეოდენი შანსიც კი არ არსებობს, რომ კანადა აშშ-ის ნაწილი გახდეს.