გერმანიის მთავრობის სპიკერმა განაცხადა, რომ გერმანია მხარს უჭერს საერთაშორისო პრინციპს, რომ საზღვრები ძალის გამოყენებით არ უნდა შეიცვალოს. ინფორმაციას ამის შესახებ სააგენტო Reuters-ი ავრცელებს.
გერმანიის მთავრობაში კომენტარი მას შემდეგ გააკეთეს, რაც აშშ-ის არჩეულმა პრეზიდენტმა, დონალდ ტრამპმა სამშაბათს განაცხადა, რომ განიხილავს სამხედრო ძალის გამოყენებას პანამის არხსა და გრენლანდიაზე კონტროლის მოსაპოვებლად.
„როგორც ყოველთვის, მოქმედებს გაეროს წესდებისა და ჰელსინკის შეთანხმებების პატიოსანი პრინციპი, კერძოდ: საზღვრების შეცვლა ძალის გამოყენებით არ უნდა მოხდეს“, – აღნიშნა გერმანიის მთავრობის სპიკერმა.
კომენტარები