მექსიკის პრეზიდენტმა, კლაუდია შეინბაუმმა, დონალდ ტრამპის წინადადების საპასუხოდ, ტრამპს აშშ-ისთვის სახელის გადარქმევა და „მექსიკური ამერიკის“ დარქმევა შესთავაზა.
შეინბაუმმა ბრიფინგზე 1607 წლის მსოფლიო რუკა აჩვენა და აღნიშნა, რომ სახელი „მექსიკის ყურე“ ისტორიულია და ამ სახელს შეერთებული შტატების დაარსებამდე გამოიყენებდნენ.
ამასთან, შეინბაუმმა ხუმრობით შეერთებული შტატების ნაწილს „მექსიკური ამერიკა“ უწოდა.
„რატომ არ ვეძახით მექსიკურ ამერიკას? ლამაზად ჟღერს, არა?“ – განაცხადა მექსიკის პრეზიდენტმა.
ამასთან, შეინბაუმმა აღნიშნა, რომ, მიუხედავად ყველაფრისა, ტრამპთან „კარგი ურთიერთობის“ იმედი აქვს.
აშშ-ის არჩეული პრეზიდენტის, დონალდ ტრამპის განცხადებით, მას სურს, მექსიკის ყურეს სახელი გადაერქვას და „ამერიკის ყურე“ ეწოდოს.
კომენტარები