„ჰამასი“ დათანხმდა ღაზის სექტორში ცეცხლის შეწყვეტისა და მძევლების გათავისუფლების შესახებ შეთანხმების პროექტს, – ამის შესახებ ისრაელის მედია მოლაპარაკებების მონაწილე პირებზე დაყრდნობით წერს.
გავრცელებული ინფორმაციით, პროგრესი მიღწეულია, მაგრამ დეტალები ახლა საბოლოო ეტაპზეა. სამეტაპიანი შეთანხმება დაიწყება ისრაელის მიერ დაპატიმრებული ასობით პალესტინელი ქალისა და ბავშვის სანაცვლოდ ექვსი კვირის განმავლობაში 33 მძევლის ეტაპობრივი გათავისუფლებით, მათ შორის ქალების, ბავშვების, ხანდაზმულებისა და დაშავებული მშვიდობიანი მოქალაქეების. 33-ს შორის იქნება ხუთი ისრაელელი ჯარისკაცი ქალი, თითოეული მათგანი გათავისუფლდება 50 პალესტინელი პატიმრის სანაცვლოდ. ამ პირველ, 42-დღიან ფაზაში ისრაელის ძალები გავლენ გარკვეული დასახლებული ადგილებიდან. პალესტინელებს მიეცემათ უფლება, დაიწყონ სახლებში დაბრუნება ჩრდილოეთ ღაზაში და იქნება ჰუმანიტარული დახმარების ზრდა, დაახლოებით 600 სატვირთო მანქანა ყოველდღე.
კატარის საგარეო საქმეთა სამინისტროს განცხადებით, ღაზის სექტორში ზავი და მძევლების გათავისუფლების შეთანხმება „ფინალურ სტადიაშია“. კატარის საგარეო უწყებაში აცხადებენ, რომ დაბრკოლებების უმეტესობა გადალახულია.