სამხრეთ კორეის ყოფილი პრეზიდენტი იუნ სუკ იოლი, ქვეყნის სამართალდამცველებმა მეორე მცდელობით დააკავეს. ინფორმაციას სამხრეთკორეული მედია ავრცელებს.
სასამართლოს მიერ გაცემული დაკავების ორდერის აღსასრულებლად, რეზიდენციასთან ათასამდე პოლიციელი მივიდა. შეკრებილი მოქალაქეები აცხადებდნენ, რომ პოლიციას იუნ სუკ იოლის დაკავების საშუალებას არ მისცემდნენ, თუმცა იოლმა გადაწყვიტა, რომ ჩაბარებოდა სამართალდამცველებს, რათა სისხლისღვრა არ გამოეწვია.
სამართალდამცველებმა მისი დაკავება რამდენიმე დღის წინაც სცადეს, თუმცა უშედეგოდ, რის შემდეგაც სასამართლომ, დაკავების ორდერის ვადა გაახანგრძლივა.
ცნობისთვის, სამხრეთ კორეის პარლამენტმა ქვეყანაში საომარი მდგომარეობის გამოცხადების გამო იუნ სუკ იოლს 14 დეკემბერს იმპიჩმენტი გამოუცხადა. მას ამბოხებაში ედება ბრალი.
კომენტარები